Ya Nabi nazre karam farmana Aye Hasnain k Nana

Ya Nabi nazre karam farmana Aye Hasnain ke Nana
Zahra paak ke sadqe humko Taiba me bulana
Aye Hasnain ke nana

Aap ke dar ka mai hu bhikari Aap hai mere daata
Saare rishte naato se hai Pyaara apna naata
Aap to hai aata hai jinko sabki laaj nibhana
Aye Hasnain ke nana

Be saaya hai lekin woh Jag par hai aapka saaya
Arshe mo`alla bana mohalla Deed ko Rab ne bulaya
Hashr tak na hoga kisi ka Aisa aana jana
Aye Hasnain ke nana

Saj gayi hai meelad ki mehfil Kya hai khoob nazara
Kaif o masti me dooba hai dekho aalam saara
Dhund rahi aap ki rehmat bakshish ka bahaana
Aye Hasnain ke nana

Nisbat ka faizan hai dekho khadim e Gaus e Jali hu
Karta hai mujh pe naaz zamana mai Ausaat e Ali hu
Aap ki aal ke dar ka sag hu aur saahil hu purana

Ya Nabi nazre karam farmana Aye Hasnain ke nana

Read More

Salaam Ya Hussain Raddiyal-lahu-tala-anhu

Read More

Tarap Raha Hoon Madinay Ki Haazri Ke Liye

Tarap Raha Hoon Madinay Ki Haazri Ke LiyeSahara Chahiyay Sarkar Zindagi Ke Liye

Huzoor Aisa Koi Intizaam Ho Jaye Salaam Ke Liye Haazir Ghulam Ho Jaye 

Naseeb Walon Mein Mera Bhi Naam Ho JayeJo Zindagi Ki Madinay Mein Shaam Ho Jaye 

Mein Shaad Shaad Maronga Agar Dum-e-Aakhir Zubaan Pe Jaari Muhammad Ka Naam Ho Jaye 

 Sahara Chahiyay Sarkar Zindagi Ke Liye Tarap Raha Hoon Madinay Ki Haazri Ke Liye 

 Woh Bazm-e-Khaas Jo Darbaar-e-Aam Ho Jaye Umeed Hai Keh Hamara Salaam Ho Jaye

Idher Bhi Ik Nigaah-e-Lutf-e-Aam Ho Jaye Ke Aashiqon Mein Hamara Bhi Naam Ho Jaye 

Tere Ghulam Ki Shaukat Jou Dekh Le Mehmood Abhi Ayaaz Ki Surat Ghulam ho Jaye 

 Mein Qayal Aap Ke Rauzay Ka Hoon Woh Qayal Tur Kaleem Se Na Kissi Din Kalaam Ho Jaye 

 Madinay Jaon Phir Aaon Dobara Phir Jaon Tamaam Umar Issi Mein Tamaam Ho Jaye

 Bulao Jald Madinay Mein Hai Ameer Ko Khauf Kaheen Na Umar Do Roza Tamaam Ho Jaye 

 Tumhari Naat Parhon Mein Sunoo Likhoon Har Dum Ye Zindagi Meri Yunhi Tamaam Ho Jaye 

 Meri Namaz-e-Janazah Ki Yun Ibadat Ho JayeKe Do Jahan Ke Aaqa Imam Ho Jaye 

 Sahara Chahiyay Sarkar Zindagi Ke Liye Tarap Raha Hoon Madinay Ki Haazri Ke Liye 

 Piya Raza O Ziya Ne Piya jou Murshid Ne A'ta Mujhay Bhi Shah Aisa Jaam Ho Jaye

Read More

Utha Do Parda Dikha Do Chehra Ke Noore Baari Hijab Me Hai

Utha Do Parda Dikha Do Chehra Ke Noore Baari Hijab Me Hai

Zamana Taarik Ho Raha Hai Ki Mehr Kab Se Nikaab Me Hai

Nahi Wo Meethi Nigaah Waala Khuda Ki Rehmat Hai Jalwa Farma

Ghazab Se Unke Khuda Bachaye Jalaal E Baari Etaab Me Hai

Jali-Jali Bu Se Uski Paida Hai Sozish E Ishqe Chashme-Wala

Kabaabe Aahu Me Bhi Na Paaya Maza Jo Dil Ke Kabaab Me Hai

Unhi Ki Bu Maya E Saman Hai Unhi Ka Jalwa Chaman Chaman Hai

Unhi Se Ghulshan Mehek Rahe Hai Unhi Ki Rangat Ghulab Me Hai

Teri Julu Me Hai Maahe Taibah Hilaal Har Margo Zindagi Ka

Hayaat Jaan Ka Rikab Me Hai Mamaate A'ada Ka Daab Me Hai

Siyah Libasane Daare Duniya Wa Sabz-Poshane Arshe Aala

Har Ik Hai Unke Karam Ka Pyasa Ye Faiz Unki Janaab Me Hai

Wo Ghul Hai Lub-haye Naazuk Unke Hazaaro Jhadte Hai Phool Jinse

Ghulab Ghulshan Me Dekhe Bulbul Ye Dekh Ghulshan Gulaab Me Hai

Jali Hai Soze Jigar Se Jaan Tak Hai Taalib E Jalwa E Mubarak

Dikha Do Wo Lab Ki Aab E Haiwan Ka Lutf Jinke Khitaab Me Hai

Khade Hai Munkar Nakeer Sarr Par Na Koi Haami Na Koi Yaavar
Bata Do Aakar Mere Payamabar Ki Sakht Mushkil Jawab Me Hai

Khuda E Kahhar Hai Ghazab Par Khule Hai Badd-kariyon Ke Daftar
Bacha Lo Aa Kar Shafe'e Mehshar Tumhara Banda Azaab Me Hai

Kareem Aisa Mila Ki Jiske Khule Hai Haath Aur Bhare Khazane

Batao Ay Mufliso Ki Fir Kyu Tumhara Dil Izterab Me Hai

Gunah Ki Tareekiya Ye Chayi Umad Ke Kaali Ghata-e Aayi

Khuda Ke Khursheed Mehr Farma Ki Zarra Bas Ijteraab Me Hai

Kareem Apne Karam Ka Sadqa La-eeme Be Qadr Ko Na Sharma

Tu Aur Raza Se Hisaab Lena Raza Bhi Koi Hisaab Me Hai

Read More

May so jaoo Ya MUSTAFA kehtey kehtey

May so jaoo Ya MUSTAFA  kehtey kehtey Khulley aankh Salle Aala kehtey kehtey

Sitam pay Sitam seh gaey dushmano kay Habeeb-e-KHUDA, Ya KHUDA kehtey kehtey

Guzarte thay kaantey bharrey raasto say RASOOL-e-KHUDA, Marhaba kehtey kehtey

Huwey surkhuru Aap her maarkey may Fakat Rabbana , Rabbana kehtey kehtey

Shahe her do Aalam ne naam-e-jabee say Bhara paet shukrey KHUDA kehtey kehtey

Andheiroo may ham ne kiya hay ujaala Aqeedat sey Noor-ul-Huda kehtey kehtey

Dilley muztarib ko qaraar aagya hay Shabo roz Ya MUJTABA  kehte kehte

Museebat kay maaro kathan manzillo say Guzer jaoo Ya Mustafa kehtey kehtey

Read More

Nabi Ka Jashn Aaya Chaand Taaron Jhoomtay Rehna

Nabi Ka Jashn Aaya Chaand Taaron Jhoomtay Rehna   Nabi Ke Naam Per Ae Naamdaaron Jhoomtay Rehna

Jahaan Mein Noor Leykar Noor Wala Aanay Wala Hai    Meray Hamraah Tum Bhi Dil Ke Taaron Jhoomtay Rehna

Galli Koochay Sajadena Harray Jhanday Lagadena   Taqaaza Ishq Ka Hai Mere Yaaron Jhoomtay Rehna

Nabi-e-Sarwar-e-Konain Ki Aamad Ke Lamhoon Mein    Durood-e-Pak Parhtay Parhtay Saaron Jhoomte Rehna

Musawaat-o-Akhuwat Ka Payaam-e-Dil Nasheen Laaye   Khushi Mein Aey Ghareebon Maaldaaron Jhoomte Rehna

Woh Aaye Gham Qaday Mein Ek Khushi Ki Roshni Phooti    Khuda Ke Shukar Mein Aey Gham Ke Maaron Jhoomte Rehna

Khushi Ik Dil Pe Hai Chaayei Wiladat Ki Ghari Aayei   Arey Aey Gul A’zaro Maah Paaron Jhoomte Rehna

Bujhay Na Ishq-e-Ahmed Ki Agan Qalb-e-Ujagar Se   Dharakna Aur Ae Dil Ke Shararon Jhoomte Rehna

Read More

Madine Ke Waali Do Alam Ke Daata Meri Bhi Soue Taibah Lagai Hai

Madine Ke Waali Do Alam Ke Daata Meri Bhi Soue Taibah Lagai Hai

May Mohtaj Hoo Ek Nigahe Karam Ka Tumhare Karam Se Meri Zindagi Hai

Hai Wadi e Aiwan Pe Khalique Ki Rehmat Musallam Hai Baitul Muqaddas Ki Azmat

Magar Qalb e Muztar Ko Hai Jiski Haajat Woh Sultan e Taibah Tumhari Gali Hai

Tumhare Hi Tukdo Pe Mera Guzara Tumhare Darbar Ka Hoo May Mangta

Jo Tumse Na Mangoo To Fir Kis Se Mangoo Tumhara To Saara Gharana Saqi Hai

Yahan Reh Ke Jina Hai Marne Se Badtar Wahan Jaake Marne Jine Se Behtar

Mayassar Jo Ho Unke Qadmo May Rehkar Wohi Zindagi Asla May Zindagi Hai

Mere Aaqa Aao Ke Mudda Hui Hai Teri Rah May Akhiya Bichate Bichate

Badi Hasrato Se Badi Chahato Se Bahut Deein Huey Ghar Sajate Sajate

Mera Hai Ye Iman Ye Mera Yaqin Hai Mere Mustafa (Sallaho Alayhe Wasslam) Sa Na Koi Hasin Hai

Rukh Unka Dekha Hai Jab Se Qamar Ne Nikalta Hai Mooh Ko Chupate Chupate

Read More