Habeeb-E-Khuda Ka Nazara Karoon Mein

Habeeb-E-Khuda Ka Nazara Karoon Mai
Dil-O-Jaan Unn Per Nisara Karoon Mai

Teri Kafsh-E-Paa Yoon Sanwara Karoon Mai
Ke Palkon Se Uss Ko Bohara Karoon Mai

Khudara Ab Aao Ke Dum Hai Labbon Per
Dum-E-Waapsi Tou Nazara Karoon Mai

Teray Naam Per Sar Ko Qurbaan Karke
Tere Sar Se Sadqay Utara Karoon Mai

Ye Ek Jaan Kia Hai Agar Ho Karoron
Tere Naam Per Sab Ko Waara Karoon Mai

Mera Deen-O-Imaan Farishtay Jou Poochein
Tumhari Hee Jaanib Ishara Karoon Mai

Khuda Khayr Se Laaye Woh Din Bhi Noori
Madinay Ki Galiyyan Bohara Karoon Mai